ORANJESTAD (AAN): Na Universidad di Aruba recientemente tabata tin presentacion di e buki di Daniel Kripper.
El a splica den entrevista cu DIARIO cu e ta e rabino di Beth Israel cu ta e comunidad hudiu na Aruba. E tin varios aña na Aruba. Esaki ta su di 7 aña na e isla y e tin awor e honor di presenta su buki cu yama “Vivir con Mayúscula”, con pa biba un bida pleno.
Ta un buki producto di meditacion, estudionan y experiencianan. E ta pone den dje loke el a siña den bida y tur loke e ta siña di su alumnonan y di e hende rond di dje.
Den e buki ta mustra algun tips di como por biba un bida mas amplio y mas trascendente, a indica.
Ta repasa balornan manera: Gratitud, compasion, bondad. Ta purba di mustra un caminda pa e hende por reconcilia e balornan aki den nan bida personal, di famia, social, a señala.
E mensahe di e buki ta cu semper ta posibel transforma e bida den uno mas positivo sin importa edad lagando un banda e excusanan , Kripper a manifesta.
Na final di cada capitulo tin un capitulo practico cu tips. Termina cu un capitulo tocante felicidad cu diferente enfoke y insights di e Kabbalah cu ta e sabiduria tradicional mistico di hudaismo.
Ta integra e parti cientifico, psicologia como tambe e spiritualidad.
E buki a wordo presenta na Argentina, Uruguay, Miami y awor na Aruba. Na e momentonan aki e buki ta den proceso di re-edicion ya cu a haya un acogida enorme, Kripper a duna di conoce.
Artículo del Diario Aruba sobre la presentación de mi libro «Vivir con Mayúscula» en la Universidad de Aruba: https://www.diario.aw/2019/09/rabino-daniel-kripper-a-presenta-su-buki-vivir-con-mayuscula/
